TEKS MC WALIMATUL KHITAN BAHASA SUNDA

Assalamu’alaikum warahmatullahi wabarakatuh

MUQADIMAH

Nu dipihormat Kersana Sohibul Hajat kalih sadaya kulawargi

Nu dipihormat Para ‘alim ulama miwah para tokoh masyarakat

Nu dipihormat para sepuh pini sepuh kalih hadirin anu dimulyakeun ku Allah

Puji Syukur urang sami-sami sanggakeun ka Allah SWT, rehna kalayan Qudrot miwah Irodat Manten-Na, kalayan wasilah pangulemna shohibulhajat, urang sadaya tiasa ruing pungpulung dina ieu waktos, dina raraga Tasyakur Walimatulkhitan Cep ... putra kanyaah Bapa .... & IBU ....

Shalawat miwah salam mugia Salamina didugikeun ka Jungjunan Urang sadaya Nabi Muhammad SAW. Oge ka kulawargina, ka para shahabatna sareng sadaya umatna tug dugi ka urang sadayana.

Hadirin anu dimulyakeun ku Allah,

Neda widi, sim kuring salaku panata acara, seja ngadugikeun rundayan acara anu baris dipedar dina enjing ieu; 1. Bubuka, 2. Pamaosan Ayat Suci Al-Quran, 3. Tawasul, 4. Biantara ti Sohibul Hajat 5. Doa/panutup.

Acara Kahiji, kanggo kaberkahan ieu haflah, mangga urang sami-sami pitembeyan ku ngaoskeun BASAMALAH sasarengan. Bismillahirrahmanirrahim.

Salajengna, masih dina acara bubuka, mangga urang sami-sami jantenkeun heula majlis doa;

Anu kahiji, kanggo ...

Anu kadua, kanggo Panganten Hitan, Cep … putra kanyaahna Bapa … & Ibu …, mugia dipanjangkeun yuswana, disehatkeun lahir batina, diparekkeun rizkina, tebih baliana, utamina mugi sing janten murangkalih anu soleh, tiasa ngabdi ka Ilahi hormat tilawat ka ibu rama, taat ka agama miwah nagara, cageur bageur lahir batin.

Anu katilu, kanggo Sepuhna Panganten Hitan, kersana Bapa … kalih Ibu … sareng sadaya kulawargi, mugia dipaparin kakiatan, kasobaran dina ngatik, ngaping murangkalihna, mugia Salamina aya dina kawilujengan, sanes kanten nu dipimaksad aya dina pangijabah Allah SWT.

Anu salajengna, kanggo Karuhun-karuhun shohibul hajat, anu parantos ngantunkeun, mugia sadayana alamarhum/almarhumah aya dina rohmat sareng magfiroh Allah, ditampi Iman, Islam, Ihsanna, sareng ditempatkeun dina tempat anu Mulya mungguh Allah SWT.

Saterasna, kanggo urang sadaya anu sami hadir, mugia kulwargi urang sapapaosna aya dina panangtayungan Allah swt. Sareng sanes kanten hajat urang sadayana mugia diqobul Ku Allah swt. Aamiin

(catetan : majlis do'a tiasa dikirangan atanapi ditambihan saluyu sareng kaperyogian)

Hadirin anu Mulya,

Acara anu salajengna, nyaeta:

Pamaosan ayat-ayat suci Al-Qur'an, anu baris didugikeun ku saderek … dilajengkeunkana TAWASUL anu baris dipimpin ku kersana Bapak…

Ka para petugas anu disebat mangga dihaturanan.

Acara salajengna Biantara ti kersana Sohibulhajat, ka Kersana Bapak … mangga dihaturanan.

Salajengna Do'a anu baris dipimpin ku kersana ……………………….., ka mantenna dihaturanan.

Hadirin Rohimakumullah,

Alhamdulillah rundayan acara walimatulkhitan ti kawit dugi ka ahir parantos rengse kalayan lancar. Mangga urang sami-sami tutup acara ieu ku ngaoskeu HAMDALAH, Alhamdulillahirobbil ‘alamiin.

Sim kuring salaku panata acara, neda tawakup tina sanes kanten kakirangan, ngahturkeun nuhun kana perhatosanana.

HASBUNALLAH WANI’MAL WAKIL NI’MAL MAULA WANI’MANNASIR.

Wassalamu 'alaikum warahmatulllah wabarakatuh.

Kang Kamal, 1/8/2025