PEMBAGIAN IDGOM (Bahasa Sunda)

Ari Idgom eta kabagi kana tilu bagian, nyaeta :

1. Idgom Mutamatsilain/mitslen

2. Idgom Mutaqoribain

3. Idgom Mutajanisain

A. Idgom Mutamatsilain/mitslen

Idgom Mutamatsilain nyaeta :

اِتَّفَقَ الْحَرْفَانِ فِى الْمَخْرَجِ وَفِى الصِّـفَاتِ

Hartosna : Dimana-mana akur dua huruf dina makhrojna sareng dina sifatna.

Contona :

dal mayunan dal	:	وَقَدْ دَخَلُوْ		Ba mayunan ba	:	اِضْرِبْ بِعَصَاكَ
Ta mayunan ta	:	فَمَارَبِحَتْ تِجَارَتُهُمْ		Mim mayunan mim	:	وَلَكُمْ مَاكَسَبْتُمْ

Hukumna Idgom mitslen eta ittifak/sepakat sakabeh ahli Qori kana wajib ngaidgomkeunana. Macana asupkeun bae makhroj anu kahiji kanu kadua, nyaeta anu paeh kanu hirup.

Nanging dina wau (huruf mad) mayunan wau deui, contona :

امَنُوْا وَصَابِرُوْا وَرَابِطُوْا

Dina ya (huruf mad) mayunan ya deui, contona : فِيْ يَوْمٍ كَانَ

Tah anu dua ieu mah wajib idhar, sabab bisi leungit “mad” na.

Qo’idah idgom mislen ;

اِنْ فِى الصِّفَاتِ وَالْمَخَارِجِ اتَّفَقْ # حَرْفَانِ فَالْمِثْلاَنِ فِيْهِمَا اَحَقْ

Lamun sami sifatna sareng makhrojna # dua huruf idgom mislen katelahna

B. Idgom Mutaqoribain

Idgom Mutaqoribain nyeta :

مَاتَقَـارَبَ الْحَرْفَانِ فِى الْمَخْرَجِ وَاخْتَلَفَ فِى الصِّفَاتِ

Hartosna : Dimana-mana padeukeut dua huruf dina makhrojna tapi beda dina sifatna.

Contona :

Dal mayunan sin	:	لَقَـدْ سَمِعَ		Ba mayunan mim	:	اِرْكَبْ مَعَـنَا
Dal mayunan Jim	:	لَقَدْ جَاءَ كُمْ

Hukum idgom mutaqoriben meunang 2 jalan, nyaeta meunang idhar meunang idgom.

Qoidah idgom mutaqoriben ;

وَاِنْ يَكُوْنَا مَخْرَجًا تَقَرَبَا # وَفِى الصِّفَاتِ اخْتَلَفَا يُلَقَّبَا (بِالْمُتَقَارِبَيْنِ)

Lamun huruf nu dua deukeut makhrojna # benten sifat mutaqoriben namina

C. Idgom Mutajanisain

Idgom Mutajanisain nyaeta ;

اِتَّفَقَ الْحَرْفَانِ فِى الْمَخْرَجِ وَاخْتَلَفَا فِى الصِّفَاتِ

Hartosna : Dimana-mana akur dua huruf dina makhrojna tapi beda sifatna.

Conto :

Ta mayunan to	:	وَقَالَتْ طَائِـفَةٌ		Dal mayunan ta	:	لَقَـدْ تَمَّ
To mayunan ta	:	بَسَـطْتَ

Hukum idgom mutajanisain nyaeta wenang dina ngaidgomkeunana.

Qoidah idgom mutajanisain ;

مُتَقَارِبَيْنِ اَوْ يَكُوْنَ اتَفَقَا # فِى مَخْرَجٍ دُوْنَ الصِّفَاتِ حُقِّقَ (بِالْمُتَجَانِسَيْنِ)

Idgom mutaqoriben atawa mufakatna # dina makhroj teu sami dina sifatna

Catatan :

v Dina idgom mislen, mutaqoriben sareng mutajanisain, lamun huruf nukahiji paeh tapi nu kaduana hirup eta ngarana idgom sogir.

Qoidah idgom sogir ;

بِالْمُتَجَانِسَيْنِ ثُمَّ اِنْ سَكَنْ # اَوَّلَ كُلِّ فَالصَّغِيْرَ سَمّـِيًا

Mutajanisain eta nu kamasyhurna # lamun paeh nu awal sogir ngarana

v Dina idgom mislen, mutaqoriben sareng mutajanisain, lamun kaayaan huruf anu dua teh hirup duanana, eta ngarana idgom kabir. (Pangna disebut idgom kabir nyaeta kusabab seueur padamelanana).

Qoidah idgom kabir ;

اَوْحُرِّكَ الْحَرْفَانِ فِى كُلِّ فَقُلْ # كُلٌّ كَبِيْرٌ وَافْهَمَنْهُ بِالْمُثُلْ

Atawa huruf nu dua dibarisan # idgom kabir anjeun kudu ngarti pisan

Conto-conto idgom umum sogir sareng kabirna :

1.	a. Idgom mislen sogir	اِضْرِبْ بِعَصَاكَ
	b. Idgom mislen kabir	الرَّحِيْمَ مَالِكِ
2.	a. Idgom mutaqoriben sogir	وَلَقَدْ جَاءَكُمْ
	b. Idgom mutaqoriben kabir	مِنْ بَعْدِ ذَالِكَ
3.	a. Idgom mutajanisen sogir	يَتُبْ فَاُلـئِكَ
	b. Idgom mutajanisen kabir	يُعَذِّبُ مَنْ يَشَـاءُ