HUKUM ALIF LAM (Bahasa Sunda)

Dimana-mana alif lam (ال) mayunan salah sahiji huruf hijaiyah nu 28, maka macana kabagi dua bagian :

1. Alif lam wajib idhar/alif lam Qomariyah (tegesna bangsa bulan)

Hurufna aya 14, nyaeta : ء ب غ ح ج ك و خ ف ع ق ي م هـ

Dikumpulkeun dina lafad : اِبْـغِ حَجَّكَ وَخَفْ عَقِـيْمَهْ

Patokanana : Dimana-mana alif lam mayunan salah sahiji huruf alif lam qomarriyah nu 14, maka macana kudu diidharkeun alif lam na.

Conto-conto alif lam wajib idhar / alif lam Qomariyah

kalimat	huruf	no	kalimat	Huruf	no
اْلخَـامِسُ	خ	8	اْلانَ	ء	1
اْلفَـمُّ	ف	9	اِلاَّ اْلبَابَ	ب	2
اْلعُـلَمَاءُ	ع	10	اْلغُـلاَمُ	غ	3
اْلقَـهَّارُ	ق	11	اْلحَـشْرُ	ح	4
اْليَـوْمُ	ي	12	اْلجَـهْلُ	ج	5
اْلمَـلِكُ	م	13	اْلكَـلاَمُ	ك	6
اْلهَـلَكَيْنِ	هـ	14	اْلوَدُوْدُ	و	7

Pangna alif lam dingaranan qomariyah/disarupakeun bulan, sabab dimana-mana aya bulan, cahaya bentang tetep katingali.

Qo'idah hukum alif lam aya dua sarta nu kahiji idhar bari hurufna aya 14 ;

لِلاَّمِ اَلْ حَلاَنِ قَبْلَ اْلاَحْرُفِ # اُوْلاَهُمَا اِظْهَـارُهَا فَلْتَعْرِفِ

Alif lam dua tingkah hukumna # hiji idhar sing terang ngunikeun nana

قَبْلَ اَرْبَعٍ مَعْ عَشْرَةٍ خُذْ عِلْمَهَ # مِنْ اِبْغِ حَجَّكَ وَخَفْ عَقِـيْمَهْ

Memeh opat belas cokot sing merenah # nya ibghi hajjaka wakhof ‘aqiimah

2. Alif lam wajib adgom/alif lam Syamsiyah (bangsa panon poe)

Hurufna aya 14, candakan huruf-huruf mimitina saban-saban kalimat anu 14 kalimat, nu dikumpulkeun dina lafad :

طِبْ ثُمَّ صِلْ رَحْمًا تَفُزْ ضِفْ ذَانِعَمْ # دَعْ سُوْءَ ظَنِّ زُرْ شَرِيْفًا لِلْكِرَامْ

Nyaeta : ط ث ص ر ت ض ذ ن د س ظ ز ش ل

Patokanana : Dimana-mana alif lam mayunan salah sahiji huruf alif lam syamsiyah nu 14 tur manggih tasydid, maka macana kudu diidgomkeun alif lam na.

Sumber :

Abidin, KH. Zaenal. (1998). Al-Majmu’ Al-Fawaid fi Ilmi Tajwid. Bantul

_________. (1414 H). Pelajaran Tajwid Al-Quran. Tasikmalaya : Pesantren Miftahulhuda Cet. ke-3,