Sampurasun ...
Kasugri anu sami mikacinta kana budaya Sunda, utamina seni Sunda Cianjuran, kiwari lain bihari. Sim kuring ngaraos yen buku sareng naskah anu tumali sareng tembang Sunda kacida langkina.
Ku hal sakaitu, dulur-dulur anu mikadeudeuh kana budaya sunda tembang cianjuran, para juru mamaos/juru tembang atanapi saha bae, saupami meryogikeun tembang-tembang Cianjuran, tiasa nyalin /copas sakumaha nu diperyogikeun, sapertos anu parantos diposting di handap ieu.
Nu dipalar teu aya sanes nyaeta pikeun ngarumat sinareng ngamumule budaya karuhun urang, budaya sunda nu utama, anu warsih ayeuna atra geus mimiti kadeseh ku budaya deungeun.
mugia catetan ieu sasieureun sabeunyereun tiasa ngahudang rasa geusan leuwih mikacinta malah mandar tiasa nepakeun ka generasi urang jaman ayeuna. Mugi-mugi bae aya guna sareng mangpaatna kanggo balarea.
Lirik/rumpaka tembang Sunda anu diupload dina ieu kasempetan nyaeta lagu Balebat.
BALEBAT
Bray geura
beurang, bray geura beurang
bat pek
ngolebat
balebat kebat
ngolebat
kahayang teh
pajar geura bray beurang
pek balebat
pek ngolebat kebat liwat
mawa beja
jeung harepan
emh… duh
pajar geura bray beurang.
**
Katangen
hate, kaciri ati
kacipta rasa
horeng samoja
kembangan
rarasaan
panggih ngan sajorelat
lir malati
pasini ganti wawangi
taya beja
jeung carita
emh… duh Gusti
geuning balebat.
Lagu/rumpaka:
Mang Engkos
Sumber:
Sobirin. 1987. Lagu-lagu Panambah Tembang Sunda Laras Pelog. Bandung. hal. 7
Sobirin. 1987. Lagu-lagu Panambah Tembang Sunda Laras Pelog. Bandung. hal. 7
loading...
Sign up here with your email
ConversionConversion EmoticonEmoticon