Makhorijul Huruf (Bahasa Sunda)



Makhorijul huruf nyaeta tempat kaluarna huruf.
Makhorij ceuk lugot nyaeta : مَحَـلُّ الْخُرُوْجِ مُطْلَـقًا
Hartosna : Tempat kaluarna kalawan mutlaq.
Makhorij ceik istilah nyaeta : إِسْـمٌ لِمَوْضِعِ خُـرُوْجِ الْحَرْفِ
Hartosna : Ngaran tempat pikeun kaluarna huruf.
Huruf ceuk lugot nyaeta : مُطْـلَقُ الطَّـرْفِ
Hartosna : Mutlaq tungtungna.
Huruf ceuk istilah nyaeta : صَوْتٌ اُعْـتُمِدَ عَلَى مَخْرَجٍ مُحَقَّقٍ اَوْ مُقَدَّرٍ
Hartosna : Sora nu dicawiskeun pikeun kana tempat kaluar anu muhaqqoq (nu ditangtoskeun kalawan bener) atanapi anu muqoddar (nu dikira-kirakeun kaluarna).
Makhorijul huruf hijaiyah nu dua puluh dalapan aya 17 makhroj nurutkeun qoul nu masyhur.
Qoidah yen makhroj huruf aya 17 :
مَخَارِجُ الْحُرُوْفِ سَبْعَةَ عَشَرَ # عَلَى الَّذِى يَخْتَارُهُ مَنِ اخْـتَبَرْ
Makhroj huruf sadayana tujuh belas # kitu saur Syekh Kholil bin Ahmad jelas
Makhroj nu 17 dibagi kana 5 bagian, karna ceuk qoidah :
وَسَبْعَةٌ مِنْ بَعْدِ عَشْرٍ تُجْمَعُ # عِنْدَ مَوَاضِعَ خَمْسَةٍ تُجْمَعُ
Ari anu tujuh belas dikumpulkeun # dina lima tempat nu tos dieceskeun
Lima tempat teh, nyaeta :       1. Jauful Fammi
2. Halaq
3. Lisan
4. Syafatain
5. Khoisyum

 Patokan makhrojna huruf nyaeta :
اَنْ تُسْكِنَ الْحَرْفَ اَوْ تَشَدِّدَهُ وَتُدْخِلَ عَلَيْهِ هَمْزَةَ الْوَصْلِ ثُمَّ تُصْغِيَ اِلَيْهِ فَحَيْثُ اِنْقَطَعَ الصَّوْتُ كَانَ مَخْرَجُهُ
Hartosna   :   Kudu maehan anjeun kana eta huruf, atawa nasydidan, tuluy dipanjangan hamzah wasol, tuluy kupingkeun, dimana-mana jep eureun sora teh, tah eta makhrojna huruf.
Makhroj nu 17 dibagi 5 bagian nyaeta :
1.      MAKHROJ JAUFUL FAMMI (Lolowong Baham)
Hurufna aya tilu nyaeta :  1. Alif paeh sabada fatah
      2. Wau paeh sabada domah atawa fatah
      3. Ya paeh sabada fatah atawa bada kasroh
Qoidah :
فَاَلِفُ الْجَوْفُ وَاُخْـتُهَاوَهِيَ # حُرُوْفُ مَدٍّ لِلْهَوَاءِ تَنْـتَهِيْ
Makhroj alif anu paeh bada jabar # wau bada pees iya bada jeer
Reujeung wau anu paeh bada jabar # reujeung iya anu paeh bada jabar
Tah makhrojna ti jero cangkem ayana # kaya “Qo, qu, qi, qoi, conto-contona
2.      MAKHROJ HALAQ (Tenggorokan)
Makhroj halaq kabagi tilu nyaeta :
1)                                                    أَقْصَى الْحَلْقِ   : Tegesna puhu genggerong nu tepung sareng dada.
  Hurufna : hamzah (ء)  & Ha (هـ)
2)      وَصْطُ الْحَلْقِ    :  Tegesna tengah-tengah genggerong.
                         Hurufna : ha (ح) & ‘ain (ع)
3)       أَدْنَى الْحَلْقِ     : Tegesna tungtung/congo genggerong.
                              Hurufna : kho (خ)  & ghin (غ)
 3.      MAKHROJ LISAN ( Letah)
Makhroj lisan kabagi 10 nyaeta :
1)                                                                      أَقْصَى اللِّسَـانِ : Tegesna puhu letah nu patepung sareng tungtung genggerong nu meneran kana lalangit luhur. Hurufna hiji nyaeta : qof (ق)
2)      أَقْصَى اللِّسَانِ تَحْتَ مَخْرَاجِ الْقَافِ – قَلِيْلاً وَمَا يُحَاذِيْهِ مِنَ الْحَنَكِ اْلأَعْلَى
Hartosna : Puhu letah handapeun makhroj qof  (ق) – saeutik pisan ka luhur tidinya huruf kaf (ك)
3)      وَسْطُ اللِّسَانِ وَمَا يُحَاذِيْهِ مِنَ الْحَنَكِ اْلأَعْلَى
Hartosna : Tengah-tengah letah handapeun lalangit luhur. Hurufna tilu nyaeta : ya (ي) syin  ,(ش)jim (ج)
4)      اِحْدَى حَافَتَى اللِّسَانِ وَمَا يَلِيْهَامِنَ اْلاَضْرَاسِ الَّتِىْ فِى الْجَانِبِ اْلاَيْمَنِ وَاْلاَيْسَرِ
Hartosna : Tina salah sahiji gigir letah sareng gugusi nu nyanding kana eta gigir letah palih katuhu atawa kenca. Hurufna hiji nyaeta : dlo (ض)
5)      مِنْ اَوَّلِ حَافَـةِ اللِّسَانِ مَعَ يَلِيْهَا مِنَ الْحَنَكِ اْلأَعْلَى
Hartosna : Mimiti gigir letah jeung lalangit anu nyanding kana eta gigir letah. Hurufna hiji nyaeta : lam (ل)
6)      طَرْفُ اللِّسَانِ تَحْتَ اللاَّمِ قَلِيْلاً
Hartosna : Tina tungtung letah sahandapeun makhroj lam saalit ngala kana tengah-tengah letah. Hurufna hiji nyaeta : nun (ن)
 7)      طَرْفُ اللِّسَانِ يُقَـارِبُ مَخْرَجَ النُّـوْنِ وَاَدْخُلَ – فِى ظَهْرِ اللِّسَـانِ
Hartosna : Tina tungtung letah keneh deukeut sareng makhroj nun sarta ngala kana tonggong letah. Hurufna hiji : ro (ر)
8)      طَرْفُ اللِّسَـانِ وَاُصُوْلِ الثَّـنَيَـتَيْنِ الْعُلْيَتَـيْنِ
Hartosna : Tina tungtung letah sareng jangkarna dua waos luhur anu payun. Hurufna tiu nyaeta : tho(ط) , da(د) , ta(ت)
9)      طَرْفُ اللِّسَـانِ وَفَوْقَ الثَّـنَيَـتَيْنِ السُّفْلَتَـيْنِ
Hartosna : Tina tungtung letah sareng saeutik luhureun tungtung dua waos nu payun, nu handap duanana, atawa tina tungtungna letah sareng tungtung waos nu handap sareng nu luhurna. Hurufna aya tilu : sho(ص) , sin(س) , za (ز)
10)  طَرْفُ اللِّسَـانِ وَطَرْفُ الثَّـنَيَـتَيْنِ الْعُلْيَتَـيْنِ
Hartosna : Tungtung letah sareng dua waos luhur nu payun. Hurufna : dzo(ظ) , dza(ذ) tsa (ث)
4.      MAKHROJ SYAFATAIN (Biwir Dua)
Makhroj syafatain aya dua nyaeta :
1)      مِنْ بَطْنِ الشَّفَةِ السُّفْلَى وَطَرْفِ الثَّـنَيَتَـيْنِ الْعُلْيَتَـيْنِ
Hartosna :  Tina beuteung biwir nu handap sareng tungtung waos nu payun duanana sareng nu luhur duanana. Hurufna aya hiji : fa (ف)
2)      مِنْ بَيْنِ الشَّفَتَـيْنِ
Hartosna : Tina antara biwir dua. Hurufna aya tilu : ba(ب) ,   mim(م) , wau (و)
 5.      MAKHROJ KHOISYUM (Puhu Liang Irung)
Hurufna nyaeta : sakur-sakur gunnah.
Gunnah nyaeta : صَوْتٌ جَهْرِيٌّ يَخْرُجُ مِنَ الْخَيْشُـوْمِ 
Hartosna : Sora nu kuat nu kaluar tina congo irung.
Sarta henteu aya padamelan eta gunah teh pikeun letah.
Ukuran panjangna gunnah eta beda-beda ulama :
1.                  Saalif (dua harkat)
2.      Saharkat satengah, ngan ieu pendapat teh dilarapkeun dina bacaan hadar
3.      Kenging tilu harkat, oge ieu pendapat teh kenging dilarapkeun dina mim sareng nun anu ditasydidan wungkul.

Sumber :
Abidin, KH. Zaenal. (1998). Al-Majmu’ Al-Fawaid fi Ilmi Tajwid. Bantul
_________. (1414 H). Pelajaran Tajwid Al-Quran. Tasikmalaya : Pesantren Miftahulhuda Cet. ke-3,
 

Previous
Next Post »

4 komentar

Write komentar
AgaricPro3
AUTHOR
26 Mei 2016 22.56 delete

Terimakasih atas informasinya bermanfaaat banget.

Reply
avatar
28 Mei 2016 05.36 delete

Sama-sama bang AgaricPro3.. trimakasih byk atas kunjungannnya di blog kami...

Reply
avatar
26 September 2016 04.00 delete

Ana lagi nyari matan nya aja, ada ngga ust?

Reply
avatar
26 September 2016 05.30 delete

mas muhammad fakhrulloh: maksudnya kitabnya?

Reply
avatar