HUKUM MIM MATI (Bahasa Sunda) - KAMALUDIN GODEBAG

Hukum mim paeh nyanghareupan huruf hijaiyah anu 28 aya 3, nyaeta :

1. Ikhfa Syafawi

2. Idgom Mitslen

3. Idhar Syafawi

Qoidah hukum mim paeh aya tilu

وَالْمِيْمُ اِنْ تَسْكُنْ تَجِى قَبْلَ الْهِـجَا # لاَ اَلِفٍ لَيِّنَةٍ لِذِى الْحِجَا

Emim sukun datang memeh huruf hija # lain datang memeh alif elin nyata

اَحْكَا مُهَا ثَلاَثَةٌ لِمَنْ ضَبَطْ # اِخْفَاءٌ اِدْغَامٌ وَاِظْـهَارٌ فَقَطْ

Hukumna tilu mungguh nu melenggeran # Ikhfa idgom sareng idhar teu nyalahan

Pangna disebut syafawi (no. 1 jeung 3), nyaeta kusabab si mim makhrojna tina Syafatain (biwir dua)

Pangna disebut mitslen nyaeta kusabab sami makhrojna sareng sifatna (mim sareng mim)

A. Ikhfa Syafawi

Hurufna aya hiji nyaeta “ ب “ (ba)

Patokanana : dimana-mana mim paeh mayunan ba, maka macana kudu diIkhfakeun sarta digunnahkeun mim paehna.

Contona : وَمَا هُمْ بِمُؤْمِنِيْنَ

Qoidah ihkfa jadi hukum mim paeh nu kahiji ;

فَاْلأَوَّلُ اْلإِخْفَـاءُ قَبْلَ الْبـَاءِ # وَسَمِّهِ الشَّـفْوِيَّ لِلْقُـرَّاءِ

Kahijina ikhfa lamun samemeh ba # ngarana ikhfa syafawi mungguh quro

B. Idgom Mitslen

Hurufna aya hiji nyaeta "م" (mim)

Patokanana : Dimana-mana aya mim paeh mayunan mim deui, maka macana asupkeun makhroj mim paeh kana mim hirup. Ngarana idgom mitslen sogir.

Contona : وَلَكُمْ مَاكَسَـبْتُمْ

Qoidah idgom jadi hukum mim paeh nu ka dua ;

وَالثَّـانِى اِدْغَامٌ بِمِـثْلِهَا اَتَى # وَسَمِّ اِدْغَامًا صَغِيْرًا يَا فَتَى

Kaduana idgom lamun Kahareupna # emim deui mitslen sogir katelahna

C. Idhar Syafawi

Hurufna aya 26 (salian ti mim jeung ba(

Patokanana : dimana-mana mim paeh mayunan salah sahiji huruf idhar syafawi nu 26, maka makhroj mim paehna kudu dijelaskeun dina macana.

Conto-conto idhar syafawi :

kalimat	huruf	no.	kalimat	huruf	no.
اَمْ ضَلُّوا	ض	14	اَمْ اَنْـتُمْ	ء	1
مُمْطِرُنَ	ط	15	اَنْعَمْتَ	ت	2
وَهُمْ ظَالِمُوْنَ	ظ	16	اَمْثَـالٌ	ث	3
كُمْ عِلْمُهَا	ع	17	هُمْ جَنَّةٌ	ج	4
عَلَيْهِمْ غَيْرِ	غ	18	اَمْ حَسِبْتُمْ	ح	5
هُمْ فِيْهَا	ف	19	اَمْ خَالِدُوْنَ	خ	6
عَلَيْهِمْ قَامُـوْا	ق	20	هُمْ دَرَجَةٌ	د	7
اَنَّهُمْ كَانُـوْا	ك	21	عَلَيْكُمْ ذِكْرًا	ذ	8
اَمْ لَمْ تُنْذِرُوْنَ	ل	22	وَاِمْرَاَ تُـهُ	ر	9
وَاَمْـنَا	ن	23	أَمْ زَاغَتْ	ز	10
عَلَيْهِمْ وَلاَ الضَّالِّيْنَ	و	24	يَمْسَسْهُمْ	س	11
اَمْ هُمْ	هـ	25	اَمْشَاجٌ	ش	12
اَلَمْ يَرَوْا	ي	26	اِنْكُنْتُمْ صَادِقِيْنَ	ص	13

Qoidah hukum idhar syafawi jadi hukum mim paeh anu katilu :

وَالثَّـالِثُ اْلاِظْـهَارُفِى الْبَاقِيَةِ # مِنْ اَحْرُفٍ وَسَمِّـهَاشَفْوِيَّةِ

Ka tiluna idhar syafawi hukumna # nyanghareupan huruf anu sakantunna

Catatan :

Dimana-mana mim paeh mayunan fa sareng mim paeh mayunan wau, peupeujeuh macana sing taliti pisan, sabab bisi pahili jeung ikhfa syafawi, kulantaran :

1. Makhroj mim padeukeut jeung makhroj “fa”

2. Makhroj mim padeukeut jeung makhroj “wau”

Dimana-mana mim paeh mayunan fa jeung wau, ngarana idhar syafawi anu dibangetkeun, Ari mim paeh mayunan huruf anu 24 deui, ngarana idhar syafawi anu dientengkeun.

Conto :

Mim paeh mayunan “fa” : وَلَهُمْ فِيْـهَا

Mim paeh mayunan “wau” : عَلَيْهِمْ وَلاَالضَّـالِّيْنَ

Qoidah mim paeh mayunan wau jeung fa ;

وَاحْذَرْ لَذَى وَاوٍ وَفَا اَنْتَخْتَفِى # لِقُرْبِهَا وَاْلاِتِّحَادِ فَاعْرِفِ

Emim paeh idharkeun sing risi pisan # kana wau jeung fa sabab padeukeutan

Sumber :

Abidin, KH. Zaenal. (1998). Al-Majmu’ Al-Fawaid fi Ilmi Tajwid. Bantul

_________. (1414 H). Pelajaran Tajwid Al-Quran. Tasikmalaya : Pesantren Miftahulhuda Cet. ke-3,